一次過玩盡海陸空的住宿體驗,新鮮感極高,玩過癲過仲可以番酒店嘆大餐,一家人入住真係超滿足!

 

 

 

最近九龍酒店推出全新的「玩轉海陸空 探索香港住宿計劃」,由海、陸、空出發,深度探索香港特色旅遊景點!

 


依家以驚喜價每晚HK$1,180* (總值超過HK$3,000) 起就可以入住豪華客房(2人)、享盡獨家餐飲禮遇。

 

 

除咗住同食外,入住仲可獲贈鴨靈號維港觀光遊船票兩張 ,連續入住兩晚或以上,更可獲贈天際100香港觀景台入場券及/或Big Bus Tours 車票。立即預訂,踏上你的探索香港之旅! 

 

 

 

 

優惠包括: 免費升級房間至豪華客房 

探索香港體驗: 

入住一晚  - 鴨靈號維港觀光遊(午間時段)船票 (每房最多兩位) 

連續入住兩晚 - 鴨靈號維港觀光遊(午間時段)船票及天際100香港觀景台入場券 或 Big Bus Tours車票(九龍遊/夜遊) (每房最多兩位) 

連續入住三晚 - 鴨靈號維港觀光遊(午間時段)船票、天際100香港觀景台入場券 及Big Bus Tours車票(九龍遊/夜遊) (每房最多兩位) 

免費享用龍逸軒「任點任食點心午餐」(每次入住最多兩位,只限一次) 

免費享用龍逸軒點心早晨套餐 或 咖啡閣港式早晨套餐(每房最多兩位) 

*亦可以優惠價每房每日HK$100享用倚窗閣自助早餐 

每位一張HK$200餐飲禮券 (每次入住最多兩張; 附優惠條款) 

免費無線及有線寬頻上網 (每房兩台電腦或流動設備) 

免費使用本地電話 

免費每日樽裝飲用水 

*十二歲以下之小童需額外加HK$200與同行成人一同入住

 

 

我哋中午時間就到酒店Check-in啦,因為我哋要先享用龍逸軒的「任點任食點心午餐」,食飽飽先可以有力去玩㗎嘛!

 

 

先入房放低所有行李。

 

 

房間個View仲望到海呀!

 

 

房間好企理乾淨,感覺好舒適。

 

 

 

 

 

 

 

然後我哋就落番去二樓的龍逸軒。

 

 

酒店職員超體貼又細心,招呼我哋入去,仲揀咗個窗口位坐,可以一邊食一邊有風景睇。

 

 

 

點心可以任點任食,而且仲可以一件一件咁點,唔怕會浪費嘥嘢!

 

 

 

 

除咗點心,仲有好多特別美食,好似呢個蘋果無花果湯,天氣咁乾燥就最啱飲。

 

 

 

 

 

 

 

 

嘩!除咗在龍逸軒食點心午餐外,仲可以同時享用埋倚窗閣的甜品自助餐。

 

 

佢哋兩個第一時間梗係跑去食雪糕先啦!仲要係Mövenpick喔~

 


呢邊可以自製果茶,感覺幾得意仲好好飲㖭!

 

 

仲有北海道3.6牛乳燉蛋白,食多D皮膚都滑D~

 

 

兩個仲走去叫Pancake, 係咪真係食得哂㗎!

 

 

又幾吸引喎~

 

 

嘆過任食點心午餐之後,就慢步自在咁行過去3號碼頭,因為我哋將要開始海陸空之旅第一站 - 鴨靈號維港觀光遊

 

 

鴨靈號係香港現存古董三帆觀光帆船,係唯一仍在海上航行的中式古董帆船。

 

 

六、七十年代鴨靈號真係用作捕魚的魚船。

 

 

上到船之後有導賞員同我哋詳細講解鴨靈號的歷史文化。

 


大家知唔知「鴨靈號」點解叫「鴨靈號」?原來因為船身形狀遠望似隻鴨,同埋傳統文化迷信所以加「靈」字叫「靈鴨」,可能調轉讀起來更順,就叫「鴨靈」喔~

 

 

我哋一家影咗張相,跟住媽咪同芊芊就上岸,因為佢哋都怕坐船,所以剩番我同哥哥上船嘆。

 

 

鴨靈號都已經有63年歷史。

 

 

鴨靈號曾一度沉沒,幸得有心人打撈,如今仍保存着當初的殘骸,包括附滿蠔殻的木塊及生銹的銅鈴。

 

 

 

大家上船仲可以隨意寫上祝福咭。

 

 

每位登船朋友都有免費飲品一罐。

 

 

今日比較大風,所以都收起主帆以免生危險,雖然冇得影靚相有D失望,不過都認同他們安全致上的做法。

 

 

加上日落西斜陽光都可以影到靚靚相喔~

 

 

維港其實真係好靚呀!

 

 

好在哥哥唔會暈浪,有佢陪我一齊上船。

 

 


玩咗成晚,番到酒店沖個靚涼、瞓個好覺、發個好夢,第朝起身我哋落去倚窗閣嘆個自助早餐。

 

 

 

自助早餐最緊要有蝦餃,呢度的蝦餃仲要有好多唔同款式,夾到金魚造型的就超幸運了。

 

 

 

 

另一邊好吸睛的係呢個真實蜂巢,起初我仲以為係裝飾。

 

 

原來係蜜糖呀,最天然的蜜糖。

 

 

 

坐喺窗口邊望住外面的風景,好似去咗英國嘆早餐咁 (雖然係人家的酒店,哈~)

 

 

然後 Check-out 酒店,就準備出發去玩轉「陸」,就係搭 Big Bus Tour 啦!

 


識坐就一定坐上層,小朋友就當然去坐車頭,因為覺得自己似開緊車(不過其實真正靚位係中間位置)。

 

 

每位上車朋友都可獲取耳筒,可以邊坐邊聽導賞。

 


開車囉~沿住海旁向會展出發,哥哥芊芊都超級興奮。

 


其實連我同媽咪都係咁大個人第一次坐 Big Bus。

 

 

本以為感覺同平時坐巴士差唔多,但係原來咁好天氣,坐在上層望上天空,真係完全唔同感覺,好放鬆好舒服~

 

 

我哋由中環碼頭對開出發,經過灣仔到銅鑼灣Sogo,在聖保䘵醫院折回灣仔返中環。

 


我哋一家人都係第一次搭 Big Bus,真係好開心!

 


今日人唔多,所以途中轉個位置又感受一下。

 


玩轉過「海」、「陸」,最後要玩轉「空」啦!

 

 

當然就係上天際100香港觀景台,欣賞超級無敵大海景!

 

 

其實香港真係好靚...好靚㗎~

 

 

有埋預計日落時間,大家可以逗留到傍晚欣賞埋日落同夜景先走㗎!

 

 

呢次九龍酒店的玩轉海陸空探索香港住宿計劃,真係真心好住好食好好玩!

 

 

 

 

Photo & Video by Sony A7III FE 16-35mm F/2.8 + iPhone11 Pro


想跟我去體驗其他活動,快D報名親子團,同埋留意專頁公佈詳情啦!

http://goo.gl/forms/CNZMEPoMIWkouK8o2

 


關於九龍酒店

九龍酒店位於繁華的彌敦道核心地段,港鐵尖沙咀站上蓋,佔盡地利優勢。酒店備有736間設備齊全的客房,包括套房。除了提供一系列優質貼心的設施,酒店內的餐廳更可讓賓客品嘗到精緻的點心、中式佳餚及豐富的國際美食自助餐。酒店四周匯聚多間著名食肆及娛樂購物熱點,優越的地理位置為客人帶來無可比擬的便利。世界知名的維多利亞港、星光大道、天星小輪碼頭、香港文化中心及香港太空館與酒店僅咫步之距。

 

九龍酒店 玩轉海陸空 探索香港住宿計劃

優惠日期:2019年9月2日至12月30日

優惠詳情:https://www.harbour-plaza.com/kowloon/SpecialOffer-explorehongkongroompackage-en.htm

電話: (852) 2929 2888 

電郵: rsvn.klnh@harbour-plaza.com

 

(以上資料更新至文章當日)

 

 

 

Facebook專頁: 呀劍萬帥 kimfamilytravel

 

Blog網誌 : www.kimfamilytravel.com

 

                 

arrow
arrow

    呀劍萬帥 發表在 痞客邦 留言(0) 人氣()