呀劍萬帥的部落格

上年因為要做美國冒險樂園好學生計劃的評審，所以就今年終於有機會帶哥哥同呀芊參加美國冒險樂園的「好學生獎勵計劃」，今年著重兩個字「識」同埋「玩」—— 暑假最「識」「玩」係咁玩。

做一個好學生，當然要增長知「識」，今年的第22屆「美國冒險樂園好學生獎勵計劃」以「愉快閱讀．啟發創意」為主題。由即日至9月16日期間報名參加，仲有超多獎勵同優惠。

🎁第一重獎勵

好學生認證好簡單，只要帶埋下學期成績表去登記，就已經可以得到$100代幣(其中$50係迷宮代幣券)。

🎁第二重獎勵

今屆參加網上「博覽群書問答比賽」(小學組及中學組) / 繪畫比賽(幼稚園組) ，嬴埋就再拎多$500代幣(即250個)同其他禮品。

🎁第三重獎勵

當然可以贏埋大獎就以拎走高達$3,000超豐富獎品同免費小農夫水耕種植課程。 

表格交俾職員核對。

認證了好學生身份後就立即可以得到$50代幣同埋咁多其他優惠。

記住可以番到屋企到用「好學生獎勵計劃-邀請碼」登入網站，玩埋「博覽群書問答比賽」(小學組及中學組) / 繪畫比賽(幼稚園組) 贏$3,000大獎。

問題有深有淺，但係無限次玩，點都記得D答案嘅。

講完「識」就要講吓「玩」。「玩」當然就係遊玩美國冒險樂園嘅設施啦！今年仲新加入VR元素，令大人小朋友玩得更加有型。

好似呢個VR搖擺車，坐車頭的小朋友可以選擇戴上VR眼罩，就可以邊坐著搖擺車邊遊歷冒險王國的世界。

其實我都好想知佢見到咩，不過我怕大人玩會俾人笑，哈哈~

芊芊仲細，唔敢戴眼罩，可能覺得冇安全感卦，所以都係簡簡單單就咁當小火車坐。

之後另外新增設的遊戲就係呢個VR虛擬實況遊戲，好在我哋啱啱去完澳門PlanetJ玩過訓練有素。

芊芊在場外替哥哥打氣「哥哥輸！」「哥哥輸！」...(這是打氣嗎？)

不過在澳門PlanetJ我哋係雙打，喺同一遊戲兩個一齊合作戰鬥，但係今次得哥哥自己一個作戰。

最後打大佬要駛出絕招啦！不過如我所料，都係大敗收場。

如果大家報咗名「好學生獎勵計劃」，其中會得到烘焙教室的$50優惠券，到時大家就可以約埋朋友仔一齊整曲奇。

哥哥...唔係玩緊波呀！

有職員姐姐一路陪住大家，教小朋友一個又一個步驟去完成自己的曲奇。

焗完之後仲可以成包帶番屋企慢慢食。

^好學生獎勵*計劃及獎勵詳情，請參考宣傳圖片或www.jgsblog.com/GS2018details

Photo by CANON 5D Mark IV, Len | EF 16-35mm f/2.8L USM

http://goo.gl/forms/CNZMEPoMIWkouK8o2