而且有雪櫃、大電視及獨立浴室，大家最關心的冷氣當然都有吧！
真係一望無際，平時朝九晚五咁辛苦，可以同一家嚟到呢度真係好舒服。
望向右手邊就見到彈床及羊圈。
呀芊一入到嚟就開住冷氣嘆世界。而呀哥就...
開大...!!!
小朋友可以親自拿鐮刀同埋竹籮去收割。
哥哥俾YY叔捉咗出去做示範。
鐮刀都比較鈍足夠用來割草又唔會有危險。
兩個都準備好哂要出發啦！
對小朋友來說，有這樣的一個小任務，落手落腳割草並親自去餵羊，俾佢哋好大的滿足感，真係好過成日打機睇電視。
哥哥快快手已經載滿一個籮。
芊芊邊割邊欣賞大自然的美。
然後我哋就行到去羊圈餵羊仔。
隔咗一段時間，呀芊仍然唔夠膽行入去直接餵羊。
哥哥就當然未驚過，我諗佢想餵獅子老虎都仲得。
佢仲覺得自己好叻叻...哈哈！
屋就係附近，餵完羊豬就走番入屋嘆冷氣，同埋...
睇電視！算啦...算啦...見考完試就俾佢哋放鬆一下啦！(因為好快我哋又要開始第二個節目啦^.^)
之後我就趕佢哋兩個出去做下運動放下電。
估唔到呀芊仲坐得落呢D BB車。
呀芊都係鍾意過嚟打韆鞦。
我好喜歡農莊玩的設施不多，因為可以讓小朋友更多時間自己去發掘探索，又可以讓大人跟小朋友更多空間相處。
放夠電之後又休息夠後，我哋又整裝待發去菜田摘菜，不過今次係為咗今晚個餐摘。
YY叔帶我哋去摘莧菜，仲有茄子同勝瓜，同埋俾我哋自己任摘，咁樣Buffet式摘菜，今晚一定食到飽飽。
嘩！條勝瓜咁粗咁長，食唔食得哂喔!?
兩個走咗去繼續摘，雖然係Buffet，但係我都會教佢哋食幾多揀幾多，如果唔係就浪費啦！
芊芊見到白色茄子好開心，但係鍾意摘又唔係鍾意食...(無言)
哥哥摘到好多茄子好開心。
之後兩個又抖一抖，走咗去瞓吊床幾梳乎。
哥哥體驗用長交剪幫大家將荔枝剪落嚟，不過大家要小心臭屁蟲跌落嚟，原來蟲射出的尿係可以整盲人對眼。
呀芊就期待住大粒大粒荔枝跌落嚟跟住執入籃。
一個剪一個裝分工合作，今晚拎入房放入雪櫃做飯後甜品，雪凍嚟食仲正。
呢度周圍環境都一樣咁靚架！一於同佢哋兩兄妹打多D咭。
之後我哋拎番先前摘的菜去洗，俾小朋友學習預備晚餐。
攪掂哂！可以番房等開飯。
同小朋友一齊上天台睇日落。
晚飯及床舖會有職員來幫我哋Set好，所以呢段自由時間又可以俾我同小朋友一齊輕輕鬆鬆玩啤牌。
芊(設計對白)「我晒你冷！」
再走出去露台打打咭睇睇風景講心事，哈哈！哇哂...都已晚上7:00個天仲係咁光。
有職員來替我們準備炭爐了，今晚我哋晚餐係食田園風味雞煲，仲有我哋下晝辛苦摘番嚟的蔬菜瓜類。
晚餐還真係超豐富！
而且小朋友可以親手煮自己摘的菜，成件事實在很完美。
食飽後，我哋開始晚上最後一個節目，就係去觀賞螢火蟲啦！
雖然今日天氣好好又冇雨，但係實在太大風，所以這美中不足就係遇唔到螢火蟲(途中經過都見到2-3隻)
一早起身出去走走，人都零舍精神。
看見這麼多的植物及果實，真的感受大自然的美。
今朝早餐係皮蛋瘦肉粥同炒麵，全部都好足料呀！
食飽飽後我哋就開始第二天的活動去整砵仔糕啦！
今次仲預備咗靚靚的粉紅煲去做。
而且我哋今日做的係七彩砵仔糕。(因為上次做不到有點失望)
製作不少得的一張污糟臉相。
4款不同顏色的砵仔糕，你哋又估唔估到分別係咩味道。
一切預備好就放入煲內蒸20分鐘。
剛好呢段時間我哋就可以準備去參加小蜜蜂導賞。
YY叔帶我哋上到山，見到好多個蜜蜂箱，所有小朋友都超期待拿出蜜蜂隔。
今次有得自己拎住成個蜜蜂隔去影相，真係好緊張呀。當然緊張的係我啦...如果哥哥一唔小心跌咗落地，我哋全部人就...
回程經過超清澈的河水要洗洗臉。
最後砵仔糕都完成了，係時侯品嚐自己炮製的成果。
YY叔仲拎咗D自家製蜜糖俾大家試，真係好清甜唔涸喉。
最後拎砵仔糕番房慢慢嘆，再收拾行裝就完成呢2日1夜旅程，準備番屋企啦！剛好今天是父親節，這個旅程就是最好的禮物了。
想跟我去體驗其他活動，快D報名親子團，同埋留意專頁公佈詳情啦！
http://goo.gl/forms/CNZMEPoMIWkouK8o2
地址
八鄉錦上路元崗清潭路菠蘿山
營業時間
星期一至日( 年中無休) 7:00a.m.-7:00p.m.
收費
入場費 $30
自助午餐 $80
工作坊 (收費不同)
電話
9642-8569、6684-6677
交通可到:
巴士 64K號線，往返元朗(西)總站 / 大埔墟鐵路站 (於元崗村落)
巴士 251A號線，往返錦上路鐵路站 / 上村(循環線) (於元崗村落)
綠色小巴 72號線，往返元朗(泰衡街) / 雷公田(於清潭落)
紅色小巴 23號線，往返 元朗(裕景坊) /上村(於清潭落)
網址
http://www.beebeefarm.org
留言列表
