當人人都搵兔仔一齊慶祝復活節的時侯,荃新天地竟然玩復古,同一家大細「回味香港情」。仲大玩小巴牌、糖畫、吹糖等傳統手藝同小學雞玩意,老少咸宜。

今次除咗有好多唔同經典工作坊之外,仲有幾個懷舊場景打咭位,同埋首個微型荃灣模型,真係啱哂鍾意影相的爸爸們。

不過未睇任何嘢之前,我哋超期待的就係去玩糖畫。

 

糖畫先生親自陪小朋友創作佢哋個英文名,或者佢哋喜歡的卡通人物。

 

聽講佢呢個招牌「糖畫先生」字樣,我問點解可以做到透明,佢話係最新研發作品,仲可以幫佢上咩色都得。

 

 

糖畫先生問大家做糖畫的烹調工具係用咩金屬造...原來係用「銅」呀!點解?

 

因為「銅」一來靚D,二來唔會咁黐住D糖膠。

 

 

兩小好期待可以快D開始。

 

 

糖畫先生先陪哥哥創作自己英文名的糖畫。

 

煮熱咗的糖膠都好熱㗎,所以一定要陪住哥哥去做。

煮糖膠的時侯一定要保持同一溫度,十分講究。

 

之後到芊芊準備就緒。

 

 

 

芊芊就畫咗隻 Peppa Pig 出嚟!

 

 

好勁呀,真係好似呀!

 

 

畫咗出嚟仲有得食,係呀...哥哥食番自己個名呀!即係食字囉,哈哈~

 

梗係要同糖畫先生影番張相留念下。

 

 

同場加映微型展覽,當然係將當年今日的荃灣呈現喺大家眼前。

 

 

仲有「美樂士多」加入今次復活節活動,俾大家回味舊時環境之餘,仲可以重拾以前的糖果、零食、同小學雞玩意等。

 

 

 

佢哋兩個見到咁多糖,即刻話全部要買哂番屋企。

 

 

 

呢款豬仔錢罌之前曾經一度斷貨,大家想買就真係要快手。

 

 

 

除咗荃灣,仲有好多其他舊街景,好似牛下、九龍城、天星碼頭。

 

 

各款大巴小巴勾番好多童年回憶。

 

 

 

 

 

 

 

 

 

 

 

 

真係好似一個博物館咁,呢邊仲有個「懷舊鐵皮玩具車展」

 

 

收藏家Raymond Wong 將自己珍藏的古董鐵皮玩具車,拎出嚟同大家分享!

 

 

 

有冇邊架你都曾經擁有過?(不過有都唔認啦你!)

 

 

到咗五大打咭位,有「上海理髮店」、「福來邨公屋」、「鴻福堂涼茶館」、「懷舊冰室」、「人力車站」。

 

而且有個微型模型設在打咭區位置,真的很精細!

眼見呢個價目表,係咪估唔到以前剪個髮可以平到咁!

 

有冇坐過呢張好似睇牙醫咁嘅飛髮櫈呢!?

 

哥哥似插呀妹眼多過扮剪髮喎!(其實呀妹係想扮洗頭,你配合下啦!)

 

涼茶舖同樣係好經典,龜苓膏銅鼎、葫蘆涼茶缸、涼茶銅缸都會見到。

 

 

 

 

 

 

 

去到懷舊冰室,佢哋兩個都圍住個微型模型睇咗好耐。

 

 

 

原來佢哋發現咗微型模型裡的電視係會識得播,呀哥話做得好逼真呀!

 

 

連我都冇為意到!佢哋兩個真係眼利。

 

 

去得冰室唔會未食過蛋撻同菠蘿油卦。

 

 

 

 

到今日我都會成日帶佢哋兩個去舊冰室多過去茶記。

 

 

 

兩個細路見到部舊電話都仲係聯想唔到,點解今日部 iPhone 可以咁細。

 

 

舊款收銀機,俾呀哥可以扮吓嘢做下老闆。

 

 

然後去到公屋場景,兩個覺得似大排檔多D,哈哈~

 

 

 

見到以前部電視機咁細,覺得我哋細個好可憐,笑死我!

 

 

除咗打咭位,仲有兩個工作坊,但係其實都可以係一個好好的場景用嚟打咭。

 

 

 

呀哥扮老師,呢個一定係「地獄老師」。

 

 

芊芊話呢個課室好似迷宮,突然玩起上嚟。

 

 

仲有舊課室隔離的小巴場景。

 

 

不過今日就冇機會參加呢個小巴牌製作 Workshop。

 

 

 

懷舊玩具專家教小朋友製作 DIY 彈珠機,呀哥超開心。

 

 

 

兩個好專心咁聽導師講解,一步一步咁去做。

 

 

 

仲可以自己設計埋成個彈珠機,在上面畫上自己鍾意的圖案。

 

 

 

 

仲Set埋分數,好期待完成後即刻玩。

 

 

 

 

 

 

畫好哂圖案之後,導師就教小朋友裝嵌彈珠機。

 

 

最後終於完成啦!可以開始玩,同親手煮嘢食一樣,自己做的玩具特別好玩。

 

 

 

最後我哋穿越「回味荃灣」相片長廊,展出多張60s-80s年代的荃灣新舊對照。

 

 

 

 

 

欣賞完整個展覽後,就進入懷舊巿集,好似去咗大笪地咁。

 

 

仲有一個「人力車」打咭位。

 

為食呀芊好容易就俾美食引誘咗過去。

 

 

 

 

 

當中有一位九十後朋友,仲分享及出售自己的珍藏。

 

 

嘩...龍珠閃咭、閃中閃、閃中閃中閃都有呀!

 

 

仲有多張舊款紙幣,小朋友都估唔到以前五蚊原來係張銀紙。

 

 

最後仲有好多經典小食,好似糖葱餅同龍鬚糖。

 

今次除咗糖畫先生,仲有「糖姨」教小朋友吹糖,仲話如果邊個吹得夠大,會請佢食糖!

 

 

 

哥哥一下用力就吹爆咗!

 

 

呀芊就成功吹到一個波出嚟!

 

 

雖然唔算好大,不過小朋友玩得好開心。

 

 

今次活動可以見識到咁多卧虎藏龍,全部都係香港懷舊傳統的大師傅。

 

  

 

Photo by CANON 5D Mark IV, Len | EF 24-70mm f/2.8L USM

想跟我去體驗其他活動,快D報名親子團,同埋留意專頁公佈詳情啦!

http://goo.gl/forms/CNZMEPoMIWkouK8o2

呀劍評分: 10

呀劍評語: 除咗有懷舊特色展覽及場景可以免費任打咭之外,最好玩係有各種傳統特色工作坊,復活節唔一定剩係掘蛋,去荃新天地一樣好啱今個復活節一家大細嚟玩。


荃新天地「回味香港情」簡介

場內中庭設計成五大荃灣懷舊經典場景,福來邨公屋、鴻福堂涼茶館、上海理髮店、冰室及人力車站,每個場景都是依照70-80年代的面貌,讓大家重回經典時刻!


日期

2018年3月23日 至 2018年4月8日 


時間 

上午11時 至 晚上8時


地點 

荃新天地1期中庭

TINY微影景區 微型荃灣大街

荃新天地特意與「TINY微影」模型店合作,首次將荃灣街景化成模型,呈現荃灣的風貌於大家眼前。更有一系列TINY微影模型展出。


「回味荃灣」相片長廊

「回味荃灣」相片長廊由復古味濃厚的紅磚色調設計,兩側展出由六十年代的荃灣的新舊照片,由六十年代剛開發的新市鎮,福來邨、荃灣碼頭等特色地標,到現在新時代的面貌,將昔日回憶都在這長廊一併展出,來個新舊照片大比拼。


美樂士多期間限定店

場內的美樂士多售賣多款懷舊汽水、零食及小玩具,如吹波糖、鑽石戒指糖等,款款都是兒時必食糖果,士多旁邊更擺放懷舊扭蛋機及電動搖搖櫈,大人童年回憶湧現,小朋友體驗那些年的童孩玩意!

懷舊市集

日期 2018年3月24日 至 2018年4月8日(逢星期六、日及公眾假期)

時間 下午1時 至 晚上8時

活動詳情 

逢週六、日荃新天地會舉辨懷舊市集,打造成「大笪地」,形形色色的經典小食,包括糖畫、吹糖、糖蔥餅等,將街頭小檔帶入商場,更有懷舊玩物售賣,如舊式玩具、古舊郵票、閃卡,一次過再嚐懷舊滋味。

懷舊特色工作坊

場內的美樂士多售賣多款懷舊汽水、零食及小玩具,如吹波糖、鑽石戒指糖等,款款都是兒時必食糖果,士多旁邊更擺放懷舊扭蛋機及電動搖搖櫈,大人童年回憶湧現,小朋友體驗那些年的童孩玩意!

參加辦法

顧客於場內最多兩間不同商戶以電子貨幣即日消費滿HK$300,即可報名參加工作坊,名額有限,先到先得。


工作坊 1 糖畫工作坊 

日期 2018年3月31日及4月1、5及8日

時間 下午1時

工作坊 2 中式吹糖工作坊

日期 2018年3月30日及4月2日

時間 下午1時 及 下午3時


工作坊 3 DIY彈珠機工作坊

日期 2018年3月31日及4月1、7至8日

時間 下午3時


工作坊 4 小巴牌製作工作坊

日期 2018年3月31日 至 4月8日(逢星期六、日及公眾假期)

時間 下午5時

鴻福堂涼茶館有奬遊戲

遊戲1 涼茶對對碰 

日期 2018年3月24日 至 4月8日(逢星期六、日及公眾假期) 

時間 下午4時

遊戲2 打卡小遊戲 

時間 下午4時

Citywalk X TINY微影 限定禮品換領

日期 2018年3月23日起 

時間 早上10時 至 晚上10時 

地點 荃新天地1期及2期禮賓處 

換領方法 

憑Citywalk Card指定積分換領以下禮品: 

1)8,000積分 TINY懷舊車仔檔擺設(其中1款) 

2)4,000積分 TINY烘焙店精品–雞蛋仔/菠蘿油(其中1款) 

3)3,000積分 特色小巴牌鎖匙扣(其中1款) 

4)1,500積分 特色小巴牌A4文件夾(其中1款) 禮品數量有限,換完即止。

(以上資料更新至文章當日)

Facebook專頁: 呀劍萬帥 kimfamilytravel

Blog網誌 : www.kimfamilytravel.com

文章標籤
創作者介紹
創作者 呀劍萬帥 的頭像
呀劍萬帥

呀劍萬帥的部落格

呀劍萬帥 發表在 痞客邦 留言(0) 人氣()