呀劍萬帥的部落格

自從做咗人夫之後，真係好少落銅鑼灣蒲，原來商務依家在怡和街有個兒童天地(開咗幾年都未去過)，今日仲撞啱有「新雅繪本插畫展」，又可以俾小朋友一個親子共讀繪本時間啦！

「新雅繪本插畫展」除咗有好多畫作可以欣賞外，仲有個故事分享時間同繪畫工作坊

沿樓梯落到地庫

已經見到今次繪畫工作坊的主角 -《魔法小怪》邁爾斯

直入到最尾就會見到今次故事分享的地方

來這裏前我問 哥哥「你估《怪獸發電廠》故事係講乜？可能會同《怪獸公司》差唔多。」

呢隻分明就係一隻恐龍，哈哈～

所有小朋友到齊，姐姐開始講故事俾大家聽，父母都站在旁邊一齊聽

不過實在太多小朋友，坐喺最後根本都睇唔到本書，如果可以用Projector投影出嚟繪本的每一頁就好D

兩個盡量專心聽着姐姐說故事，不過都見唔到本繪本，所以勁分心！

故事過後我都拎番本書俾佢哋睇再講番一次

原來故事講「好耐好耐以前，一個不知名小國，突然有隻毀人玉米田的噴火怪獸闖入，人民驚咗佢想消滅佢，將軍就想利用佢訓練佢，鎮長就想搵佢嚟賺錢...當然怪獸極唔願意

之後《魔法小怪》邁爾斯都出場，同埋創作這個故事的作家Spacy姐姐，教各位小朋友畫怪獸

哥哥同芊芊都自由發揮，創出自己心目中的怪獸

見到其他小朋友畫得咁靚，忍唔住影番張相！

最後仲齊齊影番張大合照！

其實唔講我都唔知，原來香港有咁多本地漫畫作家，這本《魔法小怪》我哋真心未聽過，不過好似有部小朋友都有睇過，仲識得這兩個角色，等我哋都支持一下本土創作先

哥哥睇住《魔法小怪》就一直心想自己都可以做番一本咁嘅漫畫！其實佢細個嘅時侯，我都陪哥哥設計過一本故事書(只有4版...哈哈～)

Photo by CANON 5D Mark IV, Len | EF 16-35mm f2.8L USM

呀劍評分: 7分