上年年尾開始的星戰,今日終於有機會嚟玩啦! 我同佢哋由最舊的星戰煲到前傳,佢哋已經好熟悉片中所有角色! 今日仲可以著埋件袍上身拎住激光劍同黑武士開戰,真係超興奮!

願原力與你同在 May the force be with YOU!

 

 

 

今次嚟樂園本身係要玩 Marvel,原本應該要繼續任務,不過一去到 Tomorrow Land 見到 Star War 


Marvel 夏日超級英雄 http://bit.ly/2hEn5dJ

 

由於 Star War 都係佢哋第二最愛,所以就忍唔住俾 R2D2 截咗糊! 其實仲因為見到冇人排隊直入直出,所以就快快同咗 R2D2 同埋 Chewie 打張咭先!

 

睇吓芊芊幾一臉正經,唔敢企埋去 R2D2 隔離! 可能佢仲未好相信眼前的係真定係假

 

 

 

究竟 Chewie 裡面個人係咪真係咁高呢? 如果係就真係好利害呀

 

 

 

職員姐姐幫我哋影完之後,仲主動叫小朋友出番嚟,想我同媽咪兩個自己又影一張,相信如果多人既時侯一定唔會有呢D福利

 

 

經過Space mountain外面,咁啱撞到黑武士同白兵,不過唔係你話想影就影,要黑武士肯揀你先有得同佢單獨影,哥哥猛舉手都博唔到佢留意,不過最後黑武一氣過連揀幾個小朋友,都總算有機會影到張相(唯有當側邊嗰D全部係白兵啦)

 

 

順住個勢我哋報咗名參加「絕地聖殿武士特訓」,哥哥同呀芊著起星戰袍,揸住激光劍真係超有型!

 

 

 

哥哥平時好想得到的激光劍,今日終於有得揸喺手,但係就冇嚟氣力...好似拎住支雞毛掃咁

 

 

台上的絕地武士姐姐好攪笑,訓練絕地武士小朋友嘅時侯,輪到一個小朋友佢郁都唔郁,好似俾媽咪迫上去玩咁,跟住絕地武士姐姐就話「你呢招係咪以靜制動?」哈哈~

 

 

特訓完就要同黑武士打過,芊芊都打得有文有路,但係哥哥就...

 

 

黑暗勢力嚟啦!我哋一齊用原力對抗敵人...呢一幕全場伸出手釋放原力真係好震撼

 

 

最後仲殺出最利害的Kylo Ren,小朋友全部親身在台上欣賞絕地武士 Battle Kylo Ren

 

 

 

特訓完畢...好在都俾我搵到個近鏡同佢哋影番張相!

 

 

絕地武士姐姐最後仲派每位小朋友貼紙,不過喺度玩呀芊等佢拎極都拎唔到

 

 

 

食完出到嚟咁啱撞正巴斯光年,唔駛排隊之下當然要同佢打張咭啦!

 

 

 

Photo by CANON 5D Mark IV, Len | EF 24-70mm f/2.8L USM

 

想跟我去體驗其他活動,快D報名親子團,同埋留意專頁公佈詳情啦!

 

 

 

呀劍評分: 10

 

呀劍評語: 可以將畫面上每一個角色呈現係佢哋眼前,我諗佢哋興奮程度等於我見到張學友一樣。唯一有D可惜係未能玩到星戰極速穿梭,希望好快有機會再嚟玩過!

 

星球大戰™:入侵明日世界》

遙遠的銀河系,就近在咫尺 ─ 香港迪士尼樂園「星球大戰™:入侵明日世界」帶你投入正邪交鋒的銀河世紀之戰!傳聞,反抗軍暗中設立指揮站;第一部隊隨即派兵展開搜索,全力偵察,誓要剷除反抗軍勢力!香港迪士尼樂園帶你投入星戰前線,化身成機師、反抗軍英雄或絕地武士, 參與這一場哄動整個銀河系的驚險對決。


1⃣ 星戰極速穿梭(未有時間玩)

2⃣ 絕地聖殿武士特訓

3⃣ 與星戰英雄見面Chewbacca、R2-D2、第一部隊 巡邏偵察

 

(以上資料更新至文章當日)

 

 

Facebook專頁: 呀劍萬帥 kimfamilytravel

 

Blog網誌 : kimfamilytravel.blogspot.hk

 

 

文章標籤
創作者介紹
創作者 呀劍萬帥 的頭像
呀劍萬帥

呀劍萬帥的部落格

呀劍萬帥 發表在 痞客邦 留言(0) 人氣()