今個暑假細路有福啦,日砌夜砌嘅PLARAIL火車路軌,終於砌到嚟荃新天地,今日有機會仲可以嚟到參與通車儀式!一齊砌出全港最大戶外火車鐵道裝置

 

 

 

我哋人都未去到中庭,已經聽到傳嚟好墟冚嘅聲,直至見到火車鐵道城大型鐵道模型展,真係大開眼界

 

所有人圍住個大型鐵道情景模型,真係插針都插唔入,企喺度睇其實都幾治癒

 

 

 

見到呢個唔知幾多層高嘅鐵道裝置,真係只有「嘩!嘩!」聲

 

 

不過原來呢個都未係重點!傳聞仲有個全港最大戶外火車鐵道裝置搭建咗係戶外花園


講番呢個中庭的裝置都砌得好Details

 

 

如果要行勻每一條鐵道唔知要用幾耐時間呢?成個情景總共用咗6-8條並行路軌,同時行緊唔同款的列車(普通列車、特急列車、新幹線列車、貨運列車、仲有8卡港鐵及機場快線)

 

 

如果俾我屋企放得落仲砌到個咁勁嘅鐵道,真係開心死佢哋兩個!

 

 

唔知用咗幾耐時間先至可以砌到出嚟,仲要話這個場景隱藏咗神秘圖案,我諗真係要鐵道迷先至睇到

 

 

中庭仲有個鐵道員挑戰站,只要場內消費滿$100,就可得到一張遊戲券,玩吓攤位小遊戲


我哋先玩玩呢個「尋寶天地」,鬥快搵到任務卡上面的鐵道組裝配件

 

 


呀哥芊芊一組一齊去完成任務(其實係一張遊戲券只可以攞一張任務咭,所以慳家一齊玩)

 

 

 

 

 

搵齊哂所有組裝配件!Yeah

 

 

其實我真係唔係粉絲,原來PLARAILShinkalion新幹線可以變身機械人,所以旁邊有另外一個遊戲拼圖王,超簡單瞬間完成,完成呢兩項任務都可以各得到一張貼紙

 

 

 

 

正在排隊等緊玩免費的「火車體驗館」有個空檔,就走過嚟同展板影張Cover相先

 

 

「火車體驗館」每節15分鐘(平日10分鐘),每次俾大概12-15人入場(包括大人小朋友)

 

 

 

其實平日屋企都可以玩,不過無奈屋企太細,砌得好唔暢快

 

 

 

 

雖然得15分鐘,但係都已經砌到一個見得下人嘅路軌

 

 

 

 

 

因為係免費,所有爸爸媽媽又好想俾小朋友喺度玩吓,所以都幾多人排隊

 

 

 

然後嚟到隔離的「創意設計室」幫列車填吓色(呢個活動都要遊戲券㗎)

 

 

 

 

難得小朋友仲對填色好有興趣,所以我哋就靜靜俾佢哋多少少時間填色


(註:於7月逢星期日仲有個鐵道擂台陣,可以俾小朋友比試下鬥快砌火車,點都好過鬥蛇螺)

 

 

 

 

今次展覽仲有期間限定Popup Store,今次仲限定發售透明藍色列車(只於7月8日限量600件)


見考完試佢哋又乖,今日就獎勵佢哋可以每人喺度揀番一架Tomy車仔啦,優惠價只賣$54唔算太貴呀!

 

 

離開中庭之後,我就急急腳即刻走到去中庭,趕住要朝聖全港最大戶外火車鐵道裝置


整個裝置有四大特色場景,包括海洋館、熱帶森林、恐龍公園及大鐵橋

 

 大鐵橋站

 

 

 熱帶森林站

 

 

 時光隧道

 

恐龍公園站 

 

 

 

海洋館站 

 

 

 

兩個小小工程師一齊嚟參與通車儀式

 

 

仲有頭先介紹過的PLARAILShinkalion新幹線機械人

 

 

 

 

今次仲一次過展示好多款絕版PLARAIL列車

 

 

呀芊同朋友仔呀LU一砌合作砌某一段路軌,然後再設計自己的站長

 

 

 

 

經過專業團隊的安排,所有小朋友合作砌成的路軌終於合體完成,正式通車!

 

 

這個幾乎每個小朋友都玩過的PLARAIL路軌,呢個暑假點可以唔帶佢哋嚟玩吓!

 

 

Photo by CANON 5D Mark IV, Len | EF 24-70mm f/2.8L USM

 

想跟我去體驗其他活動,快D報名親子團,同埋留意專頁公佈詳情啦!

 

 

 

呀劍評分: 10


《PLARAIL火車鐵道城》


荃新天地 X PLARAIL火車鐵道城 

日期︰6月29日-8月6日 

時間︰12nn – 9pm 

地點︰荃新天地1期中庭 


全港首個大型戶外PLARAIL鐵道裝置 

日期︰7月1日-7月16日 

時間︰10am – 6pm 

地點︰荃新天地1期花園廣場 (展覽或受天氣影響而暫停)


(以上資料更新至文章當日)

 

 

Facebook專頁: 呀劍萬帥 kimfamilytravel

 

Blog網誌 : kimfamilytravel.blogspot.hk

 

文章標籤
創作者介紹
創作者 呀劍萬帥 的頭像
呀劍萬帥

呀劍萬帥的部落格

呀劍萬帥 發表在 痞客邦 留言(0) 人氣()